時光匆匆，轉眼又到木棉花盛放嘅季節，DSE中文亦已經開考了。每年作文題目都會引起熱議，同學覺得新奇有趣都正常嘅。但如果稍一留神，應該好易發現，考評局年年都係噉，出題可以話毫無新意。唔怪得香港文化評論學者，會狠批DSE中文科。
DSE 2025 中文作文
- 試以「藏在泥土中的寶物」為題，寫作文章一篇。
- 在白布鞋的污跡上繪畫花朵，活化破舊建為時尚藝術館，在緊湊的旅程上遇上暴風雨可享受片刻悠閒。世事無完美，能為事物或心境增添新的色彩，則事事皆美。試以「為不完美添色彩」為題，寫作文章一篇。
- 有容：「行事要量力而為，否則沒有好結果。」修端：「要踏出舒適圈，才可以突破能力的界限。」試寫作文章一篇，談談你對以上觀點的看法。
第一條聽落新鮮，但本質係「借物說理/抒情」，同二零二四年「我最想尋回的一件玩具」及二零二二年「校服的自述」可謂異曲同工，都係要考生捉緊事物特徵，再引伸故事、情感或道理。而第二條，同往年嘅第二條都一樣，題目先有立場，要考生論述。立意嚟講，今年嘅「為不完美添色彩」，二三年嘅「原來我們忽略了不少日常生活中的美好」，二零年嘅「微笑以對」同一六年嘅「我在__之中找到快樂」，大概都係同類，著重生活細節，樂觀面對人生。第三年，同樣一如以往，畀出兩個看似水火不融嘅說法，問學生點睇。實際上卻係要學生兩邊都論述，最後講明界線，面對乜嘢情況，應該有乜嘢行動。從立意嚟講，又係同二三年嘅「模仿缺乏個性」同二二年嘅「與其一生專精一事，不如發展多元人生」相近，聰明嘅同學，相信可以用同一篇文，去應付呢三條題目。
所以我成日講，讀DSE中文猶如讀數學，寫法有公式可以背，以內容立意有既定框架，唔會有例外，同學只要熟習往年題目，就唔應該被任何題目嚇親。
理想嘅作文考試
學者陳雲話︰「D作文題目唔知乜嘢中文嚟！學生答條毛咩？」
我完全認同佢嘅講法，真正中文教育，應該係要培養邏輯思辨，啟發創意想象，唔係好似香港中文考試噉，好似好有新意，其實考緊八股文。睇睇其他國家，德國高中考試作文題目係︰
- 應該廢除母親節，你贊成嗎？
- 美國著名小說《根》的作家艾利斯‧海利（Alex Haley）寫道：「家庭，以任何可想像的方式，連結我們的過去，通往我們的未來。」請評論這句引言。
- 家庭中的衝突張力通常在文學作品和電影中，扮演重要角色。請從英語世界中找出一個例子，並說明該作品如何處理這個議題。
其實唔使解釋，都高下立見了。第一題係真正嘅議論文，唔需要兼論，唔需要中間落墨，有道理嘅就直線抽擊。第二條係關乎文學、人性、社群與世界嘅考問，要經過深刻思考先可以作答。第三條，問現實與創作嘅關係，問社會對藝術嘅影響，要認識社會，認識藝術先可以回答。上面呢啲問題，唔好話係高中，放喺香港，絕大部分嘅大學生都唔會識答，大家就可以想象兩個世界嘅差距了。
苦海求舟
雖然我好反對黨八股，但人總需要勇敢生存，學生總係要努力考試。大家都係背文啦，呢喥有萬用寫作公式︰
尋找網上一對一補習？聯絡 Whatsapp 5442 8109
除了DSE課程，亦有初中及小學全科補習。
（點擊進入Whatsapp Chatbox）